கைது செய்தனர். அவரது மொபட்டில் சோதனையிட்டதில் இருக்கைக்கு அடியில் ரூ.5 லட்சத்து 40 ஆயிரம் ரொக்கம் இருந்தது கண்டுபிடிக்கப்பட்டது. இது குறித்து உதவி ஆய்வாளர் ரமா முன்னுக்குப் பின் முரணாக பதிலளித்ததால் அந்த பணம் ஸ்பா சென்டர் உரிமையாளர்களிடமிருந்து லஞ்சமாக பெற்றதாக இருக்கலாம் என்ற சந்தேகத்தின் பேரில் பறிமுதல் செய்தனர். பின்னர் மாவட்ட ஊழல் தடுப்பு சிறப்பு நீதிமன்றத்தில் நீதிபதி கார்த்திகேயன் முன்பு உதவி ஆய்வாளர் ரமாவை ஆஜர்படுத்தி நீதிபதியின் உத்தரவின் பேரில் திருச்சியில் உள்ள பெண்கள் சிறையில் அடைத்தனர். கைதான உதவி ஆய்வாளர் ரமா விபசார தடுப்பு பிரிவில் கடந்த 4 வருடங்களாக பணியாற்றி வந்தார். திருச்சி மாநகரை பொருத்தவரை 60 மசாஜ் சென்டர்கள் இயங்கி வருகிறது. ஒரு சென்டருக்கு மாதம் ரூ.10 ஆயிரம் முதல் ரூ.20 ஆயிரம் வரை உதவி ஆய்வாளர் ரமா அவரது வங்கி கணக்கில் டெக்னாலஜி மூலம் லஞ்சம் எவ்வாறு பெற வேண்டும் என்பதற்கு காவல் உதவி ஆய்வாளர் ரமா தனது செல்போனில் பதிவிறக்கம் செய்து வைத்துக் கொண்டுள்ள கூகுள் பே மூலம் லஞ்சம் பெற்றதாக கூறப்படுகிறது. ரூ.10 ஆயிரம் என்று கணக்கிட்டாலே 60 மசாஜ் சென்டர்களுக்கு மாதம் ரூ.6 லட்சம். இதில் சில மசாஜ் சென்டர்களில் ரூ.10 ஆயிரத்துக்கும் மேல் வாங்கி உள்ளதாக கூறப்படுகிறது. அதன்படி மாதம் ரூ.10 லட்சம் வரை உதவி ஆய்வாளர் ரமா பெற்றதாக கூறப்படுகிறது. இந்த மொத்த வசூல் பணமும் இவருக்கு மட்டும் சென்றதா? அல்லது உடன் பணியாற்றும் போலீசார் மற்றும் உயரதிகாரிகளுக்கும் சென்றதா? என்ற சந்தேகம் எழுந்து உள்ளது. கடந்த 4 வருடங்களாக காவல் உதவி ஆய்வாளர் ரமா விபசார தடுப்பு பிரிவில் இருந்து உள்ளதால் கோடிக்கணக்கில் வசூல் செய்யப்பட்டு இருக்கலாம் என்ற அடிப்படையில் போலீசார் விசாரித்து வருகின்றனர். இது சம்பந்தமாக சமூக ஆர்வலர்கள் கூறுகையில் சமீபத்தில் தமிழக பதிவுத்துறை தலைவர் மாற்றப்பட்டு அவரின் மூலம் பல்வேறு மாற்றங்களை பதிவுத்துறையில் காணப்பட்டு வருகிறது. பதிவுத்துறைகளில் பல்வேறு குளறுபடிகள் முறைகேடுகள் லஞ்சலா வண்ணத்தில் வாங்கி குவித்துள்ள சொத்துக்கள் விவரங்களை சார்பதிவாளர்கள் மாவட்ட பதிவாளர்கள் என பணியாற்றும் பணியாளர்கள் அனைவரும் அவர்களின் விவரங்களை அரசுக்கு தாக்கல் செய்ய உத்தரவு ஆணை பிறப்பித்து இருந்தார். இதைத்தொடர்ந்தும் காவல்துறையிலும் ஏட்டு கான்ஸ்டபிள் முதல் உயர் அதிகாரிகள் வரை அவர்களின் சொத்து விவரங்களை அரசுக்கு தாக்கல் செய்தால் பல திடுக்கிடும் உண்மைகளும் ஊழல் செய்து லஞ்சம் லாவணத்தில் வாங்கி குவித்துள்ள சொத்துக்கள் பற்றிய தகவல் வெளிவரும் என்பதில் எந்த சந்தேகமும் இல்லை என்பது வெட்ட வெளிச்சமாக தெரிய வரும் என்று சமூக ஆர்வலர்கள் கோரிக்கை வைத்து வருகின்றனர். இதை தமிழக காவல்துறை தலைமை இயக்குனர் உத்தரவை பிறப்பிப்பாரா என்பதை பொருத்திருந்து பார்ப்போம்.?
